Da Boban Rajović ima zaista kreativne fanove u to smo se već uvjerili ali ipak nas je posljednji gest njegove obožavateljice Natalije iz Francuske ugodno iznenadio a i samog je Bobana ostavio bez teksta.
Naime, nakon nakita, peškira, majica i ostalih stvari sa njegovim slikama i inicijalima Boban je proteklog vikenda dobio i goblen. I to ne bilo kakav. Natalia iz Francuske je odlučila da jednu od njoj najdražih fotografija Bobana Rajovića ”ovjekovječi” i na ovaj način.
Kako nam je rekla, proces izrade ovog zanimljivog goblena trajao je oko dva mjeseca. Moglo je i brze ali poslovne kao i obaveze oko porodice oduzimaju joj dosta vremena tako da je goblen radila u slobodno vrijeme.
Kad je rad konačno bio završen, Natalia se spremila i iz Francuske otišla u Austriju gdje je Boban proteklog vikenda imao još jedan u nizu uspješnih i veoma posjećenih nastupa.
Boban je doživio duplo iznenadjenje. Prvo, nije mogao da povjeruje da je Natalia iz Francuske samo zbog njega došla u Austriju. Uslijedilo je i iznenadjenje koje ga je bukvalno ostavilo bez teksta.
”Navikao sam da moji fanovi dolaze iz jedne u drugu državu samo zbog mojih nastupa ali nisam očekivao da će Natalija doći u Austriju jer sam skoro imao koncert u Francuskoj. Takodje, navikao sam i na razne poklone i iznenadjenja koja mi moji divni fanovi redovno priredjuju ali ovo je nešto zaista nevjerovatno i originalno. Oduševljen sam i veoma ponosan na svoje kreativne fanove” – kaže Boban.
Inače, Natalia i kompletna njena porodica prosto obožavaju Bobana a do sada su mu priredili brojna iznenadjenja poput šampanjca sa ”Boban Rajović etiketom” zatim majica, peškira, nakita….sa njegovom slikom i inicijalima a često iz Francuske ”skoknu” do Njemačke, Austrije, BiH…kako bi uživali u koncertu omiljenog im pjevača…
